சகிப்புக்கு பின்னான வன்மங்கள்.......!!!

திணிக்கப்பட்ட  பாதையின் ஓரத்தில் 

படிந்திருக்கும் புழுதிகளின் ஓலங்கள் 

தற்கொலை செய்துகொண்ட ஒருவனின் 

இறுதி மூச்சுக்களாய் தீண்டும் 

ஒவ்வொருவரையும், 

அநாதரவான அந்த ஒலிகளின் 
ஆழத்தில் வியாபித்துக்கிடக்கும் 
நிராகரிக்க முடியாத நிர்ப்பந்தமொன்றின்

உறையாத கறைநிழலில்,

ஒடுங்கியடங்கிக்கிடக்கும் அவனது கனவுகள்
முகத்திலறைந்து போகும்.

வினோத திரையொன்றால் 
முகங்களை மறைத்துக்கொண்டு
ஒருவரை ஒருவர் விலத்திக்கொண்டிருப்போம்
எந்த சங்கடமுமில்லாமல்,

ஏற்கனவே 
திணிக்கப்பட்ட பாதையில்
விலத்திக்கொண்ட சுயவன்மங்கள்
சிரித்துக்கொள்ளும் சத்தமில்லாமல்........!!!!